【隨心分享🧡什麼是圓滿？遇到呀飄 點算？】

最近有一種覺得好圓滿嘅感覺，

圓滿就是可以搵返自己嘅熱情，

做最真實嘅自己，

去做就算冇錢、冇人欣賞，

自己都覺得好滿足嘅事☺️💕

今日再加多一樣，「#無憾 」

今日萬聖節party分享鬼故，

以前嘅我會好抗拒，因為超級敏感體質，

平時已經好容易連結到，

對我來講分享鬼故已經唔係一件刺激嘅事！

可以話係一個我唔想接觸嘅過去。

但係我今日竟然有感覺主動分享往事🤣

因為真人真事，

內容對一般人嚟講應該幾恐怖下嘅，

當然我已經習慣咗，

最重要係我而家識得處理✨

當分享完之後，

我嘅作結就係話俾大家聽點樣處理遇到呀飄，

聽住喇喎😆

無論有幾驚，盡量即刻大叫咗先！

又或者大聲唱歌！或者大聲播歌！

其實佢哋係一堆能量頻率，

人體一定比佢哋更加實在，鞏固，

一定要惡過佢！甚至可以爆粗！

唔好俾佢主宰，一定要攞返自己嘅控制權！

人體嘅光可以好強大！

你一驚，你嘅光就會縮埋！

如果可以嘅話，

可以觀想自己嘅光擴到好大好大！

有冇宗教信仰都好，

都可以心入面請你覺得舒服嘅神佛，

諗住就可以🙂

一般來講，你會受到干擾，

係因為你有相同頻率嘅能量，

情緒就係個根源，再加埋你嘅精神狀態，

事實上一個人長期抗拒自己，

抗拒世界，唔鍾意自己，甚至想離開，

能量係會好萎縮，你嘅光亦都會收埋，

一定特別容易受干擾。

所以，你自身嘅狀態係好重要～

多啲曬太陽，接觸大自然，

多啲讚美自己，感謝世界☺️✨

你嘅頻率就會好，你吸返嚟嘅嘢自然會好～

回歸返「#圓滿 」呢個主題，

我竟然喺Party分享呢啲故事，

講完之後有種放下嘅感覺，

有少少覺得，無論曾經發生咩事，

呢個就係「我」，感覺更圓滿！

多謝我嘅過去🥹

我希望鬼故嘅分享唔係要人驚，

而係想人相信返自己力量✨

打理好自己嘅身心靈💕

Love you💋💋Ayla

#靈魂 #身心靈 #能量 #萬聖節 #療癒 #心靈療癒